Introduzca los términos de búsqueda. Envíe el formulario de búsqueda

Semanalmente iremos incluyendo nuevas encuestas de lo más variopinta. Esperamos tu colaboración. :-)

Os maiores de Melide compartiron unha xornada con xogos e música na área recreativa de Furelos

escrito por Administrator

26/06/08

O Concello de Melide, a través da Concellaría de Benestar, organizou no día de hoxe unha xornada lúdico-festiva para as persoas maiores do concello. Esta actividade forma parte dun amplo programa de opcións de lecer e entretemento que a concellaría que dirixe a nacionalista Casé Rodríguez ten preparadas para desenvolver cos maiores no que resta de ano. A primeira destas actividades tivo lugar durante toda a xornada de hoxe, e estivo centrada na área recreativa de Furelos. Ás once da mañá, o grupo que participou na xornada comezou unha camiñata dende o casco urbano de Melide pasando pola parroquia de Santa María, para chegar a media mañá a Furelos, onde tiveron a ocasión de participar en xogos de mesa, como as cartas e o parchís, e tamén en xogos tradicionais, de grande éxito entre a xente maior: a rá, a petanca, a chave, o aros, o trompo,... Casé Rodríguez, que acompañou aos maiores nesta xornada tan especial, destacou a importancia de “promover actividades ao aire libre e que impliquen exercicio físico, pois ao tempo que se busca o divertimento, contribuímos tamén a mellorar a saúde dos nosos maiores”. A área recreativa de Furelos foi tamén o lugar escollido para o xantar, ao que seguiu unha sesión de música que se prolongou ata pasadas as sete da tarde. A concelleira Casé Rodríguez, encargada de coordinar as actividades cos maiores, afirmou sentirse “satisfeita polo desenvolvemento desta xornada diferente”, e insistiu en que “un dos obxectivos do goberno local é facer máis agradable o día a día dos nosos maiores, e este tipo de propostas de música, xogos e convivencia son sempre ben recibidas”. Dende a Concellaría de Benestar, avanzouse que esta xornada non foi unha acción illada, senón a primeira dunha serie de propostas que se coordinarán dende o Concello para as persoas maiores, e que inclúen excursións, actividades ao aire libre, actividades deportivas e de mellora da saúde, e sobre todo o fomento da convivencia a través de xornadas compartidas. Nota de prensa concello de Melide. Votar favorito (71) | Visto: 2166 Comentarios Escribir Comentario Por favor, mantenga el tópico de los mensajes en relevancia con el tema del artículo. Lenguaje inapropiado será borrado. Por favor, no use los comentarios para promocionar su sitio, ese tipo de mensajes serán removidos. Aségurse de *Recargar* la página para mostrar un nuevo código de seguridad antes de cliquear 'Enviar', en caso de haber ingresado un código incorrecto. Nombre: E-mail Sitio Web Título: Comentario: Código:* Deseo ser informado por correo de los comentarios a esta noticia Powered by AkoComment Tweaked Special Edition v.1.4.6

Modificado el ( 26/06/08 )

 

< Anterior		Siguiente >